 |
HARARE ZIMBABWE
Kliek eenvoudig op die foto om meer inligting oor die onderskeie lodge te kry of om te bespreek.
Die Jameson Hotel in die SSK van Harare Zimbabwe. Harare se mees sentrale hotel.
HARARE ZIMBABWE
Harare is die hoofstad van Zimbabwe, en is op die sentrale platorand van die land geleë, wat ‘n aangename klimaat waarborg. Die stad was voorheen bekend as Salisbury, en is vernoem na die 3rde Markies van Salisbury, ‘n Britse eerste ministers. Op 18 April 1982, die tweede herdenking van Zimbabwe se onafhanklikheidswording, is die naam na Harare verander, ter ere van die Shona-hoofman Neharawa. Hierdie hoofman het ook die bynaam van Haarari (“hy wat nooit slaap nie”) gehad, omdat sy vyande nooit ‘n verrassingsaanval op sy kraal kon uitvoer nie.
Die Kopje is ‘n granietkoppie waarvandaan jy oor die stad kan uitkyk. Daar is baie interessante plekke om te besoek, byvoorbeeld die Nasionale Argief (met dagboeke en verslae uit die pionierstydperk), die Nasionale Botaniese Tuine (met meer as 900 boomspesies), die Mukuvisi-woud (met 277 hektaar bewaarde woud), die Nasionale Galery (met seepsteenkerfwerk van die Shona-stam) en natuurlik die vlooimark by Mbare.