 |
 |
|||
|---|---|---|---|---|
GHANZI BOTSWANAKliek eenvoudig op die foto om meer inligting oor die spesifieke lodge/kampeerplek te kry en/of akkommodasie in Ghanzi te bespreek. |
||||
 |
KALAHARI ARMS HOTEL IN GHANZI. Die eerste keuse vir besigheidsreisigers en diegene wat meer luukse verkies... |
|---|---|
|
THAKADU CAMP GHANZI: Sonder twyfel Temba se keuse vir mense op selfbestuur-vakansies naby Ghanzi in Botswana |
Die middel van nêrens. Dit is die beste manier waarop ‘n mens Ghanzi kan beskryf. Ghanzi word ook die hoofstad van die Kalahari genoem en is op die Trans Kalahari Hoofweg geleë, noord van Kang en 280 km suid van Maun. Gaborone is “slegs” 650 km verder, maar die teerpad is in uitstekende toestand. Die gebied om Ghanzi is bekend vir beesboerdery, en daar is meer as 200 beesplase in ‘n gebied van 117 910 km2. Volgens oorlewering is Ghanzi vernoem na die Naro-woord “Gaentsii”, wat “vet agterkante” beteken en verwys na die uitstekende kondisie van die baie boksoorte wat in die verlede hier voorgekom het (en die hedendaagse troppe beeste). Talle van die latere wit setlaars is na die Ghanzi-distrik gelok met beloftes van grond. Hierdie grond is inderwaarheid op bedrieglike wyse by Hoofman Moremi gesteel deur werknemers van Cecil John Rhodes in Maun. Vandag is die Ghanzi-distrik die tuiste van talle groepe: van die afstammelinge van die oorspronklike San, tot Baherero, Batawana en Afrikaners. Die klimaat is uiters warm in somer en draaglik in die winter. Berei jouself voor vir ‘n plat, sanderige landskap met doringbome en grasvelde – baie daarvan! Die area om Ghanzi het egter ‘n vreemde bekoring van sy eie. Ghanzi is die poort na die Sentrale Central Kgalagadi en is naby aan die Central Kalahari Wildreservaat. Dit is ook ‘n gunsteling oorblyplek van toeriste wat oppad is na die Okavango Delta. Die Kalahari Arms Hotel (een van die eerste besighede in Ghanzi) verskaf luukse akkommodasie aan toeriste en besigheidsmense. Suid van Ghanzi word verblyf ook deur Khawa Safari Lodge verskaf, terwyl Thakadu Camp ons keuse vir mense op ‘n selfbestuur-vakansie is.
|
|