MAKGADIGADI-PANNE BOTSWANA

Die dramatiese, spookagtige landskap van die Makgadigadi-panne in Botswana is een van die grootste soutpanne ter wêreld. Dit is die oorblyfsels van ‘n enorme watermassa, die Makgadigadi-meer, wat bykans 10 000 jare gelede opgedroog het. Jy kan vandag steeds die strandlyne wat deur die krimpende Makgadigadi-meer agtergelaat is, sien. Dit is veral duidelik by die Gidikwe-rif in die suidwestelike deel van die Makgadigadi-panne.

Die Makgadigadi-panne in Botswana, met die glinsterende kors van wit sout, bestaan eintlik uit ‘n reeks panne, wat deur woestyn van mekaar geskei word. Die drie grootste panne is Nxai-, Sua- en Nwetwe-panne. Sua-pan bevat twee “eilande” – vreemde rotskoppies in die reuse leegte wat Kukome-eiland en Kubu-eiland genoem word. Die spookagtige Kubu-eiland is ‘n nasionale monument en bevat ‘n aantal kremetartbome. Die Makgadigadi-panne in Botswana is nie net ‘n paradys vir natuurliefhebbers nie. Argeologiese uitgrawings bevestig dat hierdie streek die tuiste van prehistoriese mense was. Klipwerktuie van die Makgadigadi-panne dateer van voor die tydperk van Homo Sapiens en die Fossiel-panne bevat talle voorbeelde van fossiele.

Alhoewel die Makgadigadi-panne in Botswana kurkdroog is vir die grootste gedeelte van die jaar, verander hulle in ‘n toevlugsoord vir voëls en diere wanneer die jaarlikse reën begin val. Die nat seisoen begin in November. Dit reën in Zimbabwe en die Okavango Delta en hierdie water beland dan via die Nata- en Boteti-rivier in die Makgadigadi-panne in Botswana. Die Makgadigadi-panne word dan ‘n paradys vir migrerende diere en voëls.

Groot troppe wildebeeste en sebras word dan deur hul roofdiere gevolg, terwyl swerms witpelikane, flaminke, eende en ganse die panne bedek. Die buitewyke van die Makgadigadi-panne in Botswana is savanna. Behalwe reptiele soos skilpaaie, slange, akkedisse (byvoorbeeld die endemiese Makgadigadi agama), bevat die grasvelde ook ‘n aantal reuse kremetartbome. Een van hierdie bome, wat Chapman se Kremetart genoem word, is deur vroeë reisigers en verkenners as baken en poskantoor gebruik.

Akkommodasie om die Makgadigadi-panne wissel van luukse en gemak uit die boonste rakke by Gweta Lodge and Jack’s Camp, met hul tente wat ‘n mens herinner aan die dae van ontdekkingsreisigers van weleer, tot die tong-in-die-kies Planet Baobab. Inderdaad iets vir almal!